Абдураҳим Пўлатга биринчи жавоб хати

abdurahim polatҲУРМАТЛИ ДЎСТЛАР!

Сизга маълумки, Қозоғистон жанубида ўзбек ва қозоқ тилларида “Туркистон тонги” ва “Түркістан таңы” номида иккита газета таъсис этилди.

Газеталар асосан Туркий ва бошқа халқлар бирлиги, дўстлигини ва мардикорлар ҳаётини ёритишга мўлжалланган.
Аммо бу газеталар мазмун мундарижаси янада яхши бўлиши учун Сизларнинг ҳам кўмагингиз керак.
Бинобарин, ушбу нашримиз билан ҳамкорлик қилишингизни, туркий ва бошқа халқлар бирлиги, дўстлигини ва мардикорлар ҳаёти ва бошқа қизиқарли мавзулардаги шеърлар, мақолалар, ҳикояларингиз, ҳажвияларингиз бўлса oqqala@gmail.com ва s_baydullaev@mail.ru электрон адресларига юборишингизни илтимос қиламиз.
Камоли эҳтиром ила Сейитбой Байдуллаев, Ботир Норбой.

…Биз “Туркистон тонги” ва “Түркістан таңы” газеталари таъсисчилари ўттиздан ортиқ ёзувчи ва шоирларга, сиёсатчиларга шундай мурожаатнома ёзгандик.“Ҳурматли дўстлар! Сизга маълумки, Қозоғистон жанубида ўзбек ва қозоқ тилларида “Туркистон тонги” ва “Түркістан таңы” номида иккита газета таъсис этилди.

Газеталар асосан Туркий ва бошқа халқлар бирлиги, дўстлигини ва мардикорлар ҳаётини ёритишга мўлжалланган. Аммо бу газеталар мазмун мундарижаси янада яхши бўлиши учун Сизларнинг ҳам кўмагингиз керак.

Бинобарин, ушбу нашримиз билан ҳамкорлик қилишингизни, туркий ва бошқа халқлар бирлиги, дўстлигини ва мардикорлар ҳаёти ва бошқа қизиқарли мавзулардаги шеърлар, мақолалар, ҳикояларингиз, ҳажвияларингиз бўлса oqqala@gmail.com ва s_baydullaev@mail.ru электрон адресларига юборишингизни илтимос қиламиз.
Камоли эҳтиром ила, и Сейитбой Байдуллаев, Ботир Норбой”

Бу мурожаатга ўнлаб ижобий жавоблар келди. Аммо биронта одам Абдураҳим Пўлатдай алжиб жавоб ёзгани йўқ. Алжиш мақола сарлавҳасидан бошланган. “Туркистон тонги” газетаси Туркистонни ўйлайдими ёки унга хоинлик қилишними? деб сарлавҳа қўйибди, А. Пўлатов. Агар ҳозирда уч сони чоп қилинган ва турли сайтларда ўрнаштирилган газета ичидаги мақолалардан биронта хоинлик белгиси топилиб, шу хил сарлавҳа қўйилганда бирон нарса дейиш қийин эди. Оддий бир мурожаатномага асосланиб, ёки кимнидир муассислигига асосланиб “Туркистон тонги” газетаси Туркистонни ўйлайдими ёки унга хоинлик қилишними? деб сарлавҳа қўйиш, саводсизлик, маданиятсизлик, алжиш белгиси. Аммо, биз бир пайтлар Бирлик лидери бўлган ва қатор яхши ишларни амалга оширган Абдураҳим аканинг ғалати сарлавҳалар қўйишидан, анча алжиб қолганидан унинг учун хафа бўлдик. Унинг алжишлари сарлавҳадангина эмас, ёзган матнларидан ҳам кўриниб турадиган бўлибди. Абдураҳим Пўлат “Ҳаракат” таҳририяти номидан: “Инсоннинг ҳеч ким инкор этолмайдиган табиатининг (?!) қирраларидан (?) бири шундан иборатки, ҳар қандай янги ташаббус қанчалик актуал, қанчалик жозибали ва қанчалик керакли бўлишидан қатъий назар, бу ташаббуснинг орқасида қандай шахслар турганига эътибор берилади”, деб ёзади. Ҳали қилинмаган ишни ижобий ёки салбийлигини билмай туриб унга муассисларнинг кимлигига қараб баҳо бериш мантиққа тўғри келмайди.

“Кўринишидан, янги газеталар яратиш ташаббусининг орқасида икки шахс – Сейитбой Байдуллаев ва Ботир Норбой турибди”. деб илова қилади. А.Пўлат. Сўнг каминани Бирликдаги фаолияти ҳақида тўхталибди. “Ботир Норбой “Бирлик” халқ ҳаракати тузилган йиллари унинг энг фаол аъзоларидан бири эди. У “Бирлик”нинг илк қўлбола нашрларини тайёрлашда ҳам иштирок этган.“Бирлик” кучга кириб, ҳокимиятни жар ёқасига келтириб қўйган пайтда, ҳозир 53-54 лақаби билан танилган миллат хоини Салой Мадамин раҳбарлигидаги бир гуруҳ Ислом Каримовнинг топшириғи билан Ўзбекнинг тарихидаги бирнчи миллий-озодлик ҳаракати бўлган “Бирлик”ни парчалади, унинг оёғига болта урди. Минг афсуски, ўшанда, баъзи хоразмлик бирликчилар оддий маҳаллийчиликни миллий ғояларидан юқори қўйиб, Салой Мадаминнинг орқасидан хоразмлик бўлгани учунгина кетдилар. Хоразмлик Ботир Норбой ўшанда хоин ифлосларга қўшилмади, “Бирлик” сафида қолди, олийжаноблигини кўрсатди”, деб мақтабди. Сўнг “Йиллар ўтди. “Бирлик” қайтадан оёққа турди. Мақсади тинч йўллар, сайловлар орқали ҳокимиятга келиш бўлгани сабабли, партияга айланди”, дебди. Айлангани рост бўлсин. Аммо агар Абдураҳим ака бу партиянинг лидери бўлиб қолаверса, бу ишлар юришишига гумоним бор. Чунки у ДИПЛОМАТИЯНИ, ОДАМЛАР БИЛАН ОДДДИЙ ДИОЛОГ ОЛИБ БОРИШ МАДАНИЯТИНИ билмайдиган аҳволга келибди. Буни ўша мақолада бир лидерларни хунаса деб сўкиши ҳам кўрсатиб турибди. Қолаверса, у ўзи билан бўлмаганларнинг ҳаммасини хоинга чиқаришга ўрганиб қолган… У менинг Бирдамлик халқ ҳаракати сафларида бўлишимни ҳам хоинлик деб ҳисоблайди. Агар Бирдамлик халққа қарши ишлар қилиб. Мен уни қўллаб қувватлаганимда хоинлик дейиш мумкин эди. Аммо нозўровон усулни ўз шиорига айлантириб, ўз сафларида юзлаб кишиларни бирлаштириб, турли акциялар ўтказаётган ташкилотни қай юз билан хоинлар, хунасалар ташкилоти дейиш мумкин?! Иккинчидан, демократик принциплардан екелиб чиқилса, қайси ҳаракат ёки сафларида бўлишни ҳар кимнинг ўзи белгилайди. (Бирдамлик сафларида Бирлик ва Эркнинг собиқ ва ҳозирги фаолларидан: Г.Нуриллаева, Носир Зокир, Дилором Исҳоқова, Искандар Худойберганов, Бахтиёр Исабеков… сингарилар ўнлаб фаоллар бор.) Учинчидан, мен юқорида айтилган ҳаракат сафларида бўлганим ҳолда ўзимни бошқа сафлардан чиқиб кетган деб ҳисобламайман. Умуман, Ўзбекистонда демократик жамият ўрнатиш йўлида ишлаётган ҳамма ҳаракат ва партияларни қўллаб қувватлайман. Буни Бирликчи дўстларимнинг таклифи билан “Эзгулик” ташкил этган мажлисларда (Жумладан, Халқ ҳаракатининг 20 йиллигида ва бошқаларида) ветеран сифатида қатнашганим ҳам тасдиқлайди. Қизиғи шуки, ўша мажлисда қатнашганимни Абдураҳим ака фахрланиб ёзганди. Энди эса, газета таъсисчиларидан бири бўлганим учун хоин бўлибман. Агар А. Пўлатов шу хил газета таъсис этса ва мен у ерда ишласам хоин бўлмас эканман. Шуни алоҳида айтиб ўтишим керакки, бу газета бирон мухолифатчининг эмас, ўзбек ва қозоқ зиёлиларининг ташаббуси билан таъсис этилди ва Худо ҳоҳласа, ҳали халқлар ўртасидаги мувозанатни сақлашда, туркийларни яқинлаштиришда кўп тарбиявий, амалий-маърифий ишларни бажаради. У ўзини сал кам даҳо деб биладиган. ҳаммани оёқ учида кўрсатадиган, Бирликка ёпишиб олиб, раисликни қўлдан бермасликка ҳаракат қилаётган Абдураҳим Пўлатга муҳтож эмас. А. Пўлатов ўз сайтидаги мақоласида “Бирлик” фаоллари Ботир Норбой иштирокида қилинаётган ҳеч қандай лойиҳани йўллаб қувватламайдилар, унга қўшилмайдилар”. деб ёзибди. Биринчидан, ҳаракат ёки партиянинг барча фаоллари номидан бундай ёзишнинг ўзи тоталитаризм белгиси. Иккинчидан, айтиб ўтайки, 50га яқин фаолларга юборилган бу хатга Бирликнинг собиқ ва ҳозирги фаолларидан ижобий жавоблар келди ва келмоқда. Бирлик А. Пўлатовнинг шахсий мулки эмас. У: “ Ботир Норбой…авваламбор бирликчилардан, “Бирлик” миллий ғояларни кўтарган ҳамда шу йўналишда амалий ишлар қилаётган ягона ташкилот эканлигини ҳисобга олиб, миллатдан кечирим сўраши керак”, дебди. Ажабо, бу ерда Абдураҳим ака бошқараётган бугунги Бирлик миллат билан тенглаштириляпти. Бир пайтлар Бирлик халқ ҳаракати миллат тимсоли эди. Ҳозирги Абдураҳим Пўлат бошқараётирман, деб ўйлаган Бирлик миллат тимсоли бўлаолмайди… Бунинг сабабларини очсам, А. Пўлатнинг ўзи уялиб қолиши мумкин.

Иккинчидан, Туркий Бирлик ғояси муаллифи Бирлик дейиш (“Туркистонни бирлаштириш, “Туркистон Бирлиги” ёки “Марказий Осиё Бирлиги” тузиш ғоясининг муаллифи “Бирлик”дир” деб ёзиш) ажабланарли. Бу ғоя битта Бирликка ёки Абдураҳим Пўлатга эмас, ундан 60-70 йиллар олдин тузилган қатор ташкилотларга, ўзбек туркларидан Беҳбудий, Мунаввар қори, Чўлпон, Боймирза Ҳайит, қозоқ туркларидан Мустафо Чўқай, Мағжан Жумабой каби ўнлаб зиёлиларга ҳам тегишлидир. Қолаверса, Туркистон бирлиги ҳақида гапира туриб, Баҳром Ғойиб, Сейитбой Байдуллаев, Иброҳим Ал Ҳошимий каби турли миллат кишилари тузган “Туркистон халқ ҳаракати”ни эсга олмасликнинг ўзи, тарихни сохталаштириб, ҳамма нарсани Бирликка боғлашга уринишдир.

Мен бир пайтлар, Абдужалил Бойматовнинг А.Пўлатов 20 йилдан бери Бирликнинг раиси. У ўз ўрнини ёшларга бўшатиб бериши керак, деган фикрини қўллаб ташкилот раислигига ёпишиб олгани учун Абдураҳим акани танқид қилгандим. Назаримда юқоридаги гапларимни у хоинлик белгиси деб ўйлаган кўринади. Мен А. Пўлатовнинг баъзи фикрларига қўшилмаганим ёки бошқа ҳаракатларда фаолият олиб бораётганим хоинлик белгиси эмас. КАРИМОВГА ҚЎШИЛМАГАНЛАР ВАТАН ХОИНИ БЎЛМАГАНИ КАБИ ПЎЛАТОВГА ҚЎШИЛМАГАНЛАР ҲАМ БИРЛИККА ХИЁНАТ ҚИЛМАГАНДИР.“Туркистон тонги” қозоқ ва ўзбек зиёлиларининг кучи билан чиқарилаётганини, Бирлик партиясига ёпишиб олиб унинг ишларини олдинга эмас, орқага юритаётган Абдураҳим акага муҳтож эмаслигини эълон қиламиз, кўп ижодкорларга юборилган хат А. Пўлат адресига тасодифан юборилган деб ҳисоблаймиз.

Ботир Норбой.

Comments are closed.